تعالــــــــــــى نركــــــــب آلة الزمـــــــن* ........!

**محمد _بدينى** · 15-07-2007, 21:14

" يلا انت لسة نايم .. قوم هتتاخر ."
كلمة اكيد بتسمعها كل يوم سواء من الحاجة علشان تقوم تروح مدرستك او الشغل او من المدام لو انت متجوز ..

تشد عليك البطانية علشان تكسب دقيقة ولا دقيقتين نوم .. بعدها تقوم تلبس الشبشب و تزحف بية لحد متوصل للحمام و انت عمال تهرش في راسك و تتاوب كانك ناوي تبلع فرخة ..
تفتح الدش تلاقي المية اللي احنا بندرسها من ايام ابتدائي انها ليس لها طعم ولا لون ولا حتي ريحة بقدرة قادر اتغير خواصها وبقت بلون و ريحة ويمكن - ولية يمكن خليها اكيد - طعم ..
تلبس هدومك بسسرعة و تخطف شنطتك واي لقمة من علي الطرابيزة وانت نازل ومش هوصفلك وقفتك وانت مستني الاتوبيس ولا الميكروباص لحد متتشعبط وتوصل لشركتك او مدرستك ..
اول متقعد علي المكتب وتطلع في الخباثة سندوتش فول او طعمية سخنة وتاكلة وانت بتتمني ان المدير بتاعك ميشوفاكش والا...
المهم ربك حليم ستار ..
اتخيل بقي كدة انك بقدرة قادر لقيت الة الزمن طبعا هتتمني انك تعيش في اي زمن تاني مختلف عن الدوشة و الجري اللي انت كنت فية .. تختار اية .. الزرار كلها قدامك كل اللي عليك انك تظبط علي الزمن اللي انت عايز تروحة ..
تروح تعيش وسط الفراعنة و الهكسوس و احمس و الاهرامات ولا تفكر تطلع علي عصر الممالييك و قطز و هولاكو - اللي اتلزقت صورتة في راسنا بصورة احمد ماهر وهو بياكل فخد ضاني بقطمة واحدة ..
ولا اقولك تعالي نرجع لزمن جدي و جدك .. نظبط الزراير علي سنة 1919 .. تصدق لايقة البدلة عليك و الطربوش الاحمر ابو زر .
تعالي نقعد علي القهوة اللي هناك ونمسك الجرنان نقرا فية شوية وكوبايتين شاي نظبط بيهم دماغنا .. ونحرك المنشة يمين و شمال لزوم الوجاهة ..
جعان .. تعالي نندة الواد اللي شايل سميط وجبنة و بيض دا .. بقرش صاغ ممكن تجيب عشرين سميطة و قد تلاتاشر خمستاشر بيضة و كام حتة جبنة .. تمام كدة يا ريس .. تمام .. تعدي واحدة لابسة ملاية لف ومدارية وشها مش باين منها الا عينيها تروح انت مميل الطربوش لقدام شوية لزوم الوجاهة و عادل شنبك الدوجلاس وبس ..

ايوة بس مهو زمان مكنش فية حركات المعكسات بتاعت انت يا قمر رايح علي فين كدة منوصلك ولا كان فية رقم الجميل كام علشان اديلة مسد .. اخرها زمان انك تحلم بالامورة اللي عدت ولا هتشوف منها وشها الا بعد الجواز واقل مسافة بينك و بيينها حوالي عشرة متر وانت بتكلمها ولو انت محظوظ ممكن تمسك ايدها وانت خاطب و تتلفت حواليك لابوها يشوفك و يدبحك ..
تسرح بقي شوية مع صوت المطربة الصاعدة ام كلثوم اللي بدات تشد البساط من تحت رجل منيرة المهدية و المظ .. شوية و تلاقي مظاهرة طالعة والناس بتهتف سعد سعد يحيا سعد وتلاقي عساكر انجليز عاملين كوردون ولابسين الشورتات الكاكي و الكورة الحمرا اللي علي الطاقية ..
الساعة دلوقت عدت تمانية يلا تروح بيتك قبل مابوك يقتلك طبعا ماانت مش هتقولة انك كنت سهران في كافية في نص البلد لييقول ابني بيشرب منكر ويخلي امينة تسن السكينة ..
المهم توصل البيت تلاقي اختك واقفة علي السلم ماسكة لمبة الجاز علشان تنورلك .. تلبس الجلابية المخططة و الطاقية اللي برضة مخططة من نفس اللون و تشد اللحاف و تنام ..
" اصحي يا استاذ انت لسة نايم هتتاخر عن الشغل ".. تقوم من النوم مبتسم وتقول "مش دلوقت يا امينة " طبعا مراتك هتففضحك و تطلع عينك وهية بتقولك " امينة ميين دي كمان ؟؟" نسيت اقولك احنا رجعنا بالليل .. لو مش مصدقني افتح الراديو هتسمع الاغنية الشهيرة اللي مكسرة الدنيا " العنب العنب العنب" ..
متزعلش كدة ميمكن ابنك يلاقي الالة برضة و يقعد قعدتك دي و يقول " ياااااة ابويا دا كان رايق قوي مفيش عنده مشاكل زي اللي عندنا ".. متعرفش بكرة فية اية .. يلا قوم لحسن انت لو قعدت تكمل القصة دي هتروح الشغل متاخر .. يلا

!

تقبلو تحياتى

**الـقـلـ( الطيب )ـب** · 15-07-2007, 21:34

لو بيدي الاختيار تمنيت اعود لزمن الرساله زمن رسولنا صلى الله عليه وسلم

لأقبل جبهته وأمرغ خدي تحت قدميه شكرا وأعترافنا وأمتنانا لما قدمه لأمته ورحمته بهم

وسأله ان يدعو لي بالشهادة في سبيله وأن يشفع لي يوم العرض الأكبر

صلى الله عليه وسلم..............................

شكر الله لك اخي محمد

القمره · 16-07-2007, 02:55

صباح الخير
ألاليت الزمان يعود يومآ ومن كل زمن آخذ الي يعجبني
ياليتني جيت في زمن الرسول علشان اشوفه,ومافيه فتن مثل الآن
بعدين زمن أزدهار الحضاره الأسلاميه والمسلمين الكل فالكل ...........
بعدين ادلع نفسي اشويه اكون من طبقه راقيه وآمر تدلل........
بعدين ارجع لزمنا واعيش مع ياليت واعوذبالله.........
مرات اتمنى اعيش بمعزل عن الناس لصفاء الروح والعيش بسعاده......
وبعدين أعيش مع موضوعك واقول مشكوووووور

حلوى الأحلام كل مافيها يتحقق لاتقاليد ولا نظام اللآئات
اعتقد عيشتك مع ازمنتي............................................ .......الى اللقاء ان كتب الله لنا للقاء

**شجاعه** · 16-07-2007, 19:19

السلام عليكم
انا واعوذبالله من كلمه انا ماودي اعيش الا في الزمن هذا اللي ربي اختاره لي
لسببين اولا:: الاحلام تبقى مجرد احلام ان لم احققها
وهذا يدل على ضعفي وعدم قدرتي على تحقيقها يعني مكانك سر
وهذا يعتبر هدم للنفس من الداخل
السبب الثاني :لاني ماعلم الغيب لو انا كنت بعيش في عالم ثاني ويش راح يكون مصيري
هل اكون مسلمه عربيه كما انا الان ام اكون من كفار قريش المعادين للرسول
او اكون من المغول اللي مايعرفون من الحضاره شي
او اكون فرعونيه عبده الانسان
او اكون من الفرق الضاله اللي قال عنهم الرسول صلى الله عليه وسلم

شكرا بديني الله يعطيك العافيه
دمتـــــــــــــــــــــــــــــم بخيـــــــــــــــــــــــــــر

سحابة الخير · 04-08-2007, 18:32

لو بيدي الاختيار تمنيت اعود لزمن الرساله زمن رسولنا صلى الله عليه وسلم

لأقبل جبهته وأمرغ خدي تحت قدميه شكرا وأعترافنا وأمتنانا لما قدمه لأمته ورحمته بهم

وسأله ان يدعو لي بالشهادة في سبيله وأن يشفع لي يوم العرض الأكبر

صلى الله عليه وسلم..............................

شكر الله لك اخي محمد

**محمد _بدينى** · 04-08-2007, 23:08

القلب الطيب

شجاعه

القمره

سحابه

هلا اخوانى واخواتى واحبتى فالله

نورتو الموضوع

تقبلو تحياتى

**زهراء نجد** · 12-08-2007, 17:34

كابتن بديني...

موضوع خيالي طريف...

انا عن نفسي ابي اعيش في زمن عمر بن الخطاب ابي اعيش في زمنه وفي بيته واكون خادمة عندهم ..

صرت زي الاطفال لكن بجد احب عمر بن الخطاب...

دمت ياخي وشكرا لك كثيرا لهذا الموضوع...

زهرااااااااااااااء

**محمد _بدينى** · 12-08-2007, 21:28

هلا والله اختى الغاليه

سلمتى عالمرور

والف حمد الله عالسلامه

نورتى المنتدى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

تعالــــــــــــى نركــــــــب آلة الزمـــــــن* ........!

الرأي و الرأي الآخر