العباة (قصه )

مرحبا كيفكن ان شاءالله بخير
بما اني احب القصص وايد وايد وايد جبت لكم اليوم قصه لعلى وعسى تعجبكم
واذا ماعجبتكم اوعدكم بالجيات افضل .............................
يالله صلو على النبي
اللهم صلى وسلم عليه
حبايبي لول كانت شوارع الفريج ضيقه وكانت مداخله مع بعضها البعض وكل واحد سبحان الله يعرف اوخيه .......................
وكان في ذاك الفريج حرمه نصوف كلكم تعرفون نصوف ويش معناها
(مره لاهي عجوز ولاهي صغيره )

ولا عندها احد يعني لاام ولاابو ولاخوان كل راح في حال سبيله
وكانت نادرا ماتطلع من البيت الا غصب عنها للضروره سلمكم الله ذاك اليوم ظهرت من بيتها
كان تلاقي في طريقها راعي غنم وسط الفريج الغبرا ويش تسوي تحاوطتها الغنم من كل جهه كان
تروح معاها وهي لاحول لها ولاقوة كان تدخل معاهم للحوي (مكان للغنم )كان تحتاس وتتعفر وتتوسخ
وتصير حالتها حاله الراعي ماشافها لابسه عباه حسبها غنمه الله المستعان كان الحرمه تصيح وتبكي
والراعي يهديها ويطيب خاطرها وقال لها اللي تبينه حاضر بس ترضين قالها تبين فلوس عطيتك امري
بس لاتخربين علي لانها نوت تقطع رزقه قالت له انا مابي الا عباه جديده بدل العباه اللي اختربت وصارلها
اللي تبي وجاب لها العباه وصارت المراه ذيك اللي ماتطلع الا بالسنه مره صارت تفتر بالفريج كل يوم وفي اي وقت تدلع بالعباه الجديده وفي احد المرات كان يشوفها العمده بالعباه الزينه جان تدش راسه
وقال لهله ابي اتزوجها قالو له هي مره نصوف ماهي بنت هو حسبهم يكذبون عليه لانه شافها تتميح بالعباه ........................
المهم تزوجها ولما طاحت الراس بالفاس قال لها انا مابيك......................
قالت له شوف طلاق مافيه تبي تروح رح تبي تجلس اجلس بس طلاق مافيه كان العمده يرضخ للامر
ويخليها على ذمته وبعد ايام كان تصير للعمدة مناسبه وكان لازمن عليه يسوي عزيمه احتاس ويش يسوي كان يروح للمره اللي راكنها على الرف ويترجاها تسوي الوليمه المره طيبت خاطره وقالت له مايصير خاطرك الا طيب بس انت جب لي لاوازم العزيمه كان يروح ويجيب لها كل اللي طلبته
ويروح للرجال ويعزم فيهم وهو خايف لا تسوي فيه شي وتسود وجهه جدام الرجال ويجي المغرب ويجون الرجال وكل واحد يجي يقول يازينها من ريحه عساها عندا يرتاح الرجال ويقول ايه ...............
المهم اكتمل المعازيم ويروح يجيب الذبايح ويقول لهم تفضلو تقدمو الجماعه وصارو مايتكلمون بس ياكلون الرجال ارتاع ويش فيهم ماحد قال ولا كلمه اثرهم خايفين اذا تكلمو يروح عليهم الاكل
يناظر للصحون الا هي تصفر مافيها حبه رز واحده امسحوها ونظفو الصحون
وبعد الاكل كان تزهب له ذيك الدله القهوة ودله ورى دله يبيهم يقولون بس لمان راحت عليهم كالهم
ولما اشبعو وخلصو كل واحد يوصله لحد الباب يقوله ويوصيه بام عياله الله الله فيها اكرمها دار عليها لا توجعها تستاهل تنحط على الراس هو استحى على نفسه وعرف انها قابلت السيئه بالحسنه
ولا جازته بمثل فعله كان يروح لها يعتذر ويتاسف على اللي صار منه قالت له انا مابي الا عشرة بالمعروف ..................................وبس خلصت
عساها تعجبكم يارب
دمتم بخير