اولا وقبل كل شيء اتوجه الى اعضاء منتداي الغالي زافا لهم اسمى ايات التهاني وارق عبارات المحبه لقدوم عيد الفطر المبارك سائلا المولى عز وجل ان يتقبل من الجميع صيامهم وقيامهم وان لايحرمنا اجر رمضان ويعيده علينا اعواما مديدة بخير وسلام ان شاء الله
ثانيااتقدم الى جميع محبي الشعر والفنون الادبيه عامه باصدار العدد السادس لمجلة الشعر الشهريه راجيا من الله ان اقدمها لكم بشكل جديد واضافه مفيده تحوز على رضاكم والمعذره على التقصير فماهي ال جهود شخصيه متواضعه
(1) قصيدة اختبار المحبين
لكاتبها/ mg43
ياناس دشيت أختبار المحبين = وبخاطري تقدير ممتاز مضمون
اقول في نفسي وأنا صادق الحين = الجرح مافاده سواليف وألحون
ماحدن بطالبني وياكثر جرحين = بحط جرح إفلان ماظن يدرون
قمت أتلفت مرة إيسار ويمين = وأقول مالي جرح والجرح مدفون
والله لوصحيت جرحن من سنين = والله قسم ياللي بجنبي لتبكون
لو قيس يصبح عندنا بعام ألفين = وش ردكم لاهام ياللي تخونون
رسمت وجه بفرشتي دون تلوين = بين الظلام ونور وبعقل وجنــــون
رسمت حوله ناس والكل جايين = وأحاول ا بعد ما أقتر ب لكن يجون
شفته ملزم وأذرفت دمعة العين = أدري بيسألني عن الحب وطعون
قام وسالني عرّف الحب مابين = رديت هذا أحساس وأظن له لون
قلي أبيك تفسر الشوق للزين = قلت ( الاماكن ) بلسم الجرح وسكون
ياقيس شوف بحدها واصله وين = قلي ترى ذرة عشق جنب مليون
صابه غرور وقام ينشد ببيتين = وأقول في نفسي أثارية مجنون
حبك إذا هانك وفي رحلتك فين = ماحدن بفازعلك إذا هم يبيعون
أبجمع العشاق قاصين دانيين = وإن ما غلبنا قيس ماعشت بالكون
يعني وحنا نتبعك وأنت للحين = محسوب عذرك لو جروحي يحسّون
تشوف نفسك ماأعتبرت المحبين = لا عاده الله عيشتي لو بيرضون
ماني براضي ماتقوله من أسنين = وإن كان حبي مثل حبك فملعون
ياقيس لو قالوا عليـــنا مجانين = ماحدن بيسمع لي إذا كنت محزون
لاتعتذر والعلم ماهو بعذرين = وش مقصدك ذرة عشق جنب مليون
أنا رسمتك وأقدر الحين بيدين = أقدر أبيعك وأقدر أشريك من دون
ولاعادك الله ياأختبار المحبين = إن كان بطلب فزعتك واخذ العون
(2)قصيدة الصداقه
لكاتبها/سعود المتعب
المطالـب ماتجـي . . لـو بالتمنـي
ــــــــــــــــــــــــــــ والأمانـي . . ماسقـت ماهـا عـذايـب
والجروح اللـي تـداوى . . تستكنّـي
ــــــــــــــــــــــــــــ بـس والله مابـرا . . جـرح القـرايـب
طاح ليل ,, وقام هـم ,, وكـل منـي
ــــــــــــــــــــــــــــ قال شفت الموت مـن دنيـا العجايـب
الصداقه بهالزمن : خني . . . تصنّي!!
ــــــــــــــــــــــــــــ والوفـا دمعـه علـى خـده سكايـب
طاحت الهقوه وفيهم . . خاب ظني!!
ـــــــــــــــــــــــــــ ياحسافه كانوا من أغلا الحبايب
آآآه ,, لو تدري وش اللي يمتحني؟؟
ـــــــــــــــــــــــــ صدمتي فيهم وانا مدري وغايب!!
الحجر . . لو يسمع بشكواي ونـّي!!
ـــــــــــــــــــــــــ يكفي انه حس فـ اثقال النوايب!!
صرت منهم يابعد روحي . . كأني :
ــــــــــــــــــــــــ طفلن ازرت دمعته عنهم . . وهايب!!
ياهنايا . . بالمنايا . . لو يجنــّي
ــــــــــــــــــــــ راحتن منهم ومن دنيا الغرايــــــــــــــــب
مو صحيح ان السلامه بالتأنـي
ـــــــــــــــــــــ كم تحمل خافقي جرح الحبايــــــــــــــــب!!
من سكاكين القهر . . بيده طعنـّي
ـــــــــــــــــــــ وأثر منهو كان يضحكلي . . سبايـــب!!
والكفوف اللي اطعنتني ماعطنـّي
ــــــــــــــــــــــ خضّبت كفي من جروحن عطايـــــب!!
يازمن قلي شتبي بالله . . منـّي؟؟
ــــــــــــــــــــــ والمصيبه طيبتي !!! مانيب تااااايب!!
يازمن أرجوك تفهم . . حلّ عني
ــــــــــــــــــــ من عرفتك وانت . . ملعون الصلايب!!
حتى لو تعربني جمله . . بالتبنـّي؟
ــــــــــــــــــــــ مالقيت الا فعل . . جازم . . وصايب
والصداقه دامها . . خنّي ... تصني؟؟
ــــــــــــــــــــ مايفيد الطيب في طفلن وشااااااايب!!
والا تدري . . ((أعطني النايَ وغنّي))
ـــــــــــــــــــ خلني أسمع ونينه بالقراااااااااااايب!! (3)قصيدة بكى كل مافيني
وكاتبتها/همسة حنين
بكى قلبي وبكى نبضه وبكى كل مافيني .. بكى كلي على بعضي وبكت معنا الوساده ,,
بكت عيني لين قالت لجفونها تكفين غطيني .. بكى دمعي على حظه واعلن بنفسه حداده ,,
بكيت وشفت الدمع متحجر وكم حاول يواسيني ..وكم حاول يهديني ويشعل بداخلي انوار السعاده ,,
انا ضاقت بي الوسيعه واسودت ايامي وسنيني .. واشوف الوقت يقسى اكثر من اول وزياده ,,
صليت ودعيت ربي من ضيقتي يشفيني .. بكيت وبكيت وبكيت لين خرت دموع السجاده ,,
والله العظيم الموت اهون من عيشة تشقيني .. ارحل بعمري ولا ابقى مع خلق الله وعباده ,,
ايه اهون .. اهون وارحم من دنيا تجافيني .. واهون من اني اعيش ويصبح البكى لي عاده ,, 
الإهداءات
الاصدار السادس لمجلة الشعر الشهريه 
العرض العادي
