·~-.¸¸,.-~الإصــدار الرابــع للمجــله الشــعــريه·~-.¸¸,.-~

**المـهاجــر** · 12-06-2006, 14:18

(كتبت من الشعر) للشاعر الأمير (خالد الفيصل)


	كتبت من الشعر في كل معنى ولكن وصف زينك ما بلغنا . . انا وش لون أوصّـف زين روحك و ذاتك حسْنها ماقد شهدنا . . أشوف الصبح في طلعتك باسم وبك خجلة غروب الشمس شفنا . . تجي مثل الكَرى سلْطة حضورك وما تبغيه من حلمٍ حلمنا . . نشيت بـ عالمي منشا سحابه يسابق نبتنا فيها زهرنا . . أحبك حب صقّار لطيره يعاف النّوم لوْ رشيه تثنّى . . و احبك حب شاعر للقصيده اذا جت وًنْ و إن عيّت يونّى . .

**المـهاجــر** · 12-06-2006, 14:24

(ياصاحبي) للشاعر الأمير (خالد الفيصل)


	ياصاحبي هانت عليك المحبه لا واحسافه عقب هاك المواثيق جمر الغضا في وسط قلبي تشبه نارٍ حطبها يابسات المعاليق كاسٍ مليته بالوفا لا تكبه خله يبلل بالوصل يابس الريق صبه بقلبي ثم ملَه وصبه وان كان ودك غرق القلب تغريق دام الهوى راسي وراسك يهبَه خذ سجةٍ ترى زمانك توافيق ترى حلاة العمر مع من تحبه شخصٍ تريده من جميع المخاليق

**المـهاجــر** · 12-06-2006, 14:28

(أخطيت) للشاعرالأمير (عبد الرحمن بن مساعد)


	أنا مدري وش إحساسك ومدري وش تظنيني أنا الصادق في عينك كنت و صرت الكاذب الخوّان أنا أخطيت ما انكر ولافيه عذر يكفيني سِـوا اني احبك حيل واني دايما ً انسان انا ادري بمدى جرحك وادري الحظ جافيني يطول الوقت ما أخطي وإذا أخطيت كل شي ٍ بان انا شفت الزهر مايل وظنيته يناديني قطفته .. يوم ضميته .. لقيته للأسف ذبلان عرفت انك زهر عمري عرفت انك بساتيني وغيرك قيض مايروى .. سرابٍ يشقي العطشان انا لو ماحصل ماكان وشهو اللى يدرّيني بأنك ماسواك انتى .. سكنتى القلب والوجدان انا اسف على اعذاري عجزت ألقى عذر فيني يليق بغلطتي في حقك ويرجع كل شي ٍ كان احبك كثر أخطائي وادري انك تحبيني وادري لو تفارقنا فلا نقدر على النسيان اذا تقوي على فراقي وبعدي عنك .. خليني انا مليت من دور الكرامة ولعبت الغفران قليل العمر ياللي انتي دموعك ما تساويني حرام انه يضيع فراق هي من قلها الأحزان ؟؟

**المـهاجــر** · 12-06-2006, 14:32

(أجهــلك) للشاعر الأمير (عبد الرحمن بن مساعد)


	أجهلك .. و لي سنين اتخيلك اتمثلك في كل طيف .. والقاك في قسمات ضيف كل المشاعر له تقول .. حنـّا هلك أجهلك .. ولي سنين اتخيلك القاك في بعض الوجيه .. ويمرني طيفك واجيه يا باكر اللي اجهله .. ارقتني الأسئلة وابطى العمر يستعجلك .. أجهلك .. ولي سنين اتخيلك بالعيوب وبالمزايا .. بالألم لامن هجرتي يجتاحبي ضلوع وحنايا اتخيل شكوكك وظنك .. اتخيل التقصير منك حتى الجفا اتخيله .. وكيف انا باتحمله .. واتحملك أجهلك .. ولي سنين اتخيلك وجهك اللي قد حبسته داخلي في غمضة عيوني واللي ياما قد رسمته .. من عبث طيشي وجنوني وجهك اللي دوم يظهر لما ألقى نشوة الفكرة الجديدة داهمتني لما القى انكساراتي قصيدة واكتبتني وجهك اللي دوم يظهر في اعاصيري وسكوني في الجبال الشاهقة في أجمل خيالي في السفوح الخافقة بين نبضي وانفعالي وجهك اللي قد نحته في عظامي والجوارح وجهك اللي قد حفظته وبتفاصيل الملاح بالنهار في بسمته .. بالضيا اللي في ورودة بالعبوس في غضبته .. بالتضاريس وحدوده من جنوحه في البها .. لين اقصى نقطة في كاسر جماله للعذوبة .. من شروق النور في ضيه للشعر في غروبه من شطوط الكحل في عيونك لنحرك من بياض الثلج في خدك لجمر ٍ قاد في ثغرك وجهك اللي ما ابد يوم لمحته .. او عرفته لي سنين اتخيله .. واتخيلك ياللي كلي بك معرفة .. واجهلك ما اصعبك .. كيف الاقيك ما اسهلك .. لو الاقيك ياللي دوم اتخيلك مملكة حسن الزمن وأنا الملك

**المـهاجــر** · 12-06-2006, 14:38

(الــبــحر) للشاعر الأمير(عبد الرحمن بن مساعد)


	على مدى الأيام .. كان البحر بالنسبة لي هو البحر رمل .. أمواج .. صخر كان البحر بالنسبة لي بس البحر وعلى مدى الأيام ماقد لمس فيني المشاعر الا ذاك اليوم .. يوم انك معي يومها كان الوداع وكان البحر دفتر والموج بيت من شعر وبيتٍ ورى بيت .. وموجه ورى موجه تكتب قصيدة حبنا وتمحي الجراح بجراح ومثل الفرح في دنيتي كان الفجر عمره قصير .. وبكل حب اهدا نسيمه وراح وتشرق الشمس .. لجل الخلايق كلها تقرا قصيدة حبنا ويومها ماكان للشمس اي نور وبعض السبب كان الوداع وباقي السبب انتي خذيتي .. من سماها النور ولجل الصدق .. يومها كنتي انتي الشمس وكان البحر عينك .. وادموعك امواج الشعر وخدك الدفتر آه يا اللقى ماخذت من طبع البحر ما للبحر آخر آه يالفراق .. ماخذت من ذوق الفجر يمرنا عابر وآه يالعيون اللى انا منها عرفت ان البحر دفتر وان القصيد امواج وإن الغرام شاعر

**المـهاجــر** · 12-06-2006, 14:41

(يجي منك أكثر) للشاعر (خالد المريخي)


	ماجا على بالي خطاك انت بالذات لا تعتذر كافي يجي منك اكثر مات الغرام اللي لك بداخلي مات ماعاد ينفعك العذر لو تعذر ما اقدر خلاص اتحمل اليوم غلطات ما اكذب عليك انا بديت اتغير بسكات انا جيتك وبروح بسكات قصرت وسواتك معي ماهي سوات هذا مع اني فيك ماكنت اقصر ابي ابتعد واقول ذا مقدر طوفت لك مره ومره ومرات وصبرت بس اني اليوم ماظني اصبر واليوم انا نادم على كل مافات لا تعتذر مادام عذرك تأخر هذا جزاي اعطي ولا اقلك هات انا اللي استاهل يجي منك اكثر

**المـهاجــر** · 12-06-2006, 14:47

(أنـا مـقدر أكون) للشاعر الأمير (طلال الرشيد) الله يرحمه


	أنـا مـقدر أكون .. اني حبيب في بعض أحوال أنـا كـلي أجـي .. و الا أروح بعزتي .. كلي تـخيرت الـفراق و مـادريت إن الفراق وصال أقـول انـي نـسيتك بس مدري كيف تاصل لي خـذاني لـك سؤال في عيونك و الجواب محال خـذاني مـنك دمـع فـي عيوني مارضى ذلي رحـلت انت و تركت بداخلي طيفك و صبر طال غـدت ذكـراك شمس ما تغيب و صورتك ظلي حـكيت و مـالقيت مـن الـحكي الا الندم iiموّال سكت و مت بالحسره و لا ادري و شهو احسن لي أحـبك كـل مـافيني يـحبك يـا خـلي الـبال تـخيلتك دواي و صرت جرحي الصعب يا خلّي تـعبت أرحـل مع وجيه البشر بانساك بالترحال و لا ادري وش يـجيبك في وجيه الناس و اهلّي

**المـهاجــر** · 12-06-2006, 14:53

(نامت عيوني) للشاعر الأمير (خالد الفيصل)


	نامت عيوني ، على حسنك وشفتك حلم يــازايـر الـلـيـل ،لـيـل الـبـارحه عـدنـي مـتـى تـجيني ، مـثل مـاجيت حـلمٍ عـلم يـازايـد الـقـلب خـفـقه بـالـهوى زدنــي تـرى الـبخل مـن كريم الأصل مثلك ظلم يـاظـالـم الــلـي يـــوّدك لــيـه تـجـهدني سـويت فـي قـلبي الـلي قـد عـطيتك ثلم يـامـاخـذ الـقـلب وتـاخـذني وتـجـحدني مـاهوب عـند العرب وأهل الجماله سلم إنــــك بــمــا تــاخــذه مــنـي تـهـددنـي وكـــاد مـحـدٍ تـعـرّض لـلـعيون وسـلـم لاشـــك أنـــا بـالـوفـا قـلـبـك مـعـاهدني

**المـهاجــر** · 12-06-2006, 15:06

(يا فرحة العمر) للشاعر الأمير (عبد الله الفيصل)


	اشتقت لك يا فرحة العمر وين انت يا للي عيوني منك ينبع ضيــاها لولاك بالغايه بدنياي .. مـا كنت اشفق على ايامي يطول مداهــا سرقتني مثل الكرى لي تمكنـت من مهجةٍ مــا قبلك أحد غشاها أشوف حسنٍ كل شئ تحـاسنت لو به ذهاب النفس أشوفه مناهـا ما خبر يوم في منامي تطـامنت إلا أن بعثت الطيف لي في دجاها أهين نفسي لك بمرضـاك لاهنت واتبع هواك بعسرها عن هواهـا رجلي تيامن غصب كانك تيامنت وان خذت باليسرى تياسر اخطاها كلٍ بعينه زين ويــــلا تبينت كلٍ زهد في خلقته مـــا بغاها لوفات لك تسعين بالعمر ما شنت في عين نفسٍ علقت بك رجاهـا آمنت بك في عـالم الحب آمنت يا متلفٍ روح العنا يــا دواها

**المـهاجــر** · 12-06-2006, 15:10

(أنا لـولاي) للشاعر (فهد عافت)


	أنا..أنا..لـولاي أنا مـن تكـونين أقـولها وأنـا نعم فيك مغـرور أنا جعلتك نـور و إنـتي من الطين جـرّة قلم..وأمحيك من عالم النور إنـتي بـدوني وردةٍ في البسـاتـين والـورد في دنيا البساتين..مغمـور لكن معي صرتي كما الشـوف للعين والعين لولا الشـوف ما من لها دور هـذا..وقصدي تعـرفي موقعك زين وحذرا ترى من أنذرك صار معذور إما إشتري ودّي على العسـر واللين ولا تـراني بـايعك بيعـة البـور بسطـور خليتك شـعار الـمحبين وأمسحك من دنيا المحبّين بسطـور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

*·~-.¸¸,.-~*الإصــدار الرابــع للمجــله الشــعــريه*·~-.¸¸,.-~*

&^&^&مجلة الشعر الشهريه^&^&

·~-.¸¸,.-~الإصــدار الرابــع للمجــله الشــعــريه·~-.¸¸,.-~