هذي قصه حصلتلي مع حبيبي وابي اشوف ردودكم

]السلام عليكم ورحمة الله وبركااته

هذي قصه واقعيه حصلتلي وبالاماانه ابي اي احد يدش يرد ويقولي شنو راايه ونشووف ردودكم

اناا بنت عمري 19 سنه مع الحب الحقيقي
بسم الله الرحمن الرحيم
خطت اصابعي فعجزت عن كتابه الحروف فتذكرت ان:
بالحب والخير والجمال ينتصر الانسان على ما يلاقيه من عذاب والام في كنف الحياه.
مدري وشلون ابدى قصتي بس احب اوضح اللي يقراء الموضوع
يحط رايه بصراحه بالعربي يكون صادق بدون اي حزازيات
من اللي بقوله لان رايك وراي غيرك بيكون حكم بين قلبين
وبعدها اقول احكم بقلبك مو بعقلك
ياناس خلو الكلام الشين راعي الهوى لاتعذلونه لاتجون عرضه مابين اثنين
قلب المحب لاتلومونه منتم على اللوم مغصوبين هرج القفا لاتجيبونه
انا وحبيبي سنه ونص نداري الحب ونصونه
دايم على عهدنا وافين مضنون ماخان مضنونه تاج العذارى ربيع العين حلفت بالله مااخونه
وشلون اخلي غزير الزين والسحر في نظره عيونه


اتمنى ان ارى دموعي تبتسم على شفاك ايها القاريء الكريم
فهل تبتسم دموعي ؟؟
انا بنت شيعيه تربيت على الحرمان من اهلي من الكلمه الحلوه ومن الحنان
ومن حضن امي وكنت دايم مظلومه في البيت من ابوي
ماكنت القى اي اهتمام منه ولاكني بنته
مرت الايام وتعرفت على واحد بالنت سني (محمد) بس ماكنت افرق بين سني وشيعي بالعكس كنت
اسولف معه بكل احترام وذوق مع مرور الوقت كان عنده واحد من اعز اصحابه واخوانه(اقصد حبيبي عسول ) متنوم بالمستشفى غيبوبه من حادث
كان يكلمني ويشكي قهره وخوفه على خويه انا كنت اهديه وانا مااعرفه كنت خايفه عليه وادعيه له كل يوم يقوم بالسلامه
طبعا كنت اقول لمحمد روح اجلس عنده وسولف لين مالله قومه بالسلامه وكلمته
وهو عرف اني كنت خايفه عليه واسال عنه وانا مااعرفه كلمني وشكرني
بعد وقت صار يكلمني كل يوم تقريبا وبالمسنجر اكلمه
وتطورت علاقتنا الى اني تعلقت فيه وهو تعلق فيني بشكل غريب
وماكان احد يقدر يفرق بينا
وصرت اعرفه سنه ونص الى هذاا اليوم
ولاعمري شفته ولا شفاني اللهم بالعيون كنا احلا اثنين انا تعلقت فيه مو بعشانه سني ولا انا شيعيه
لا كان حنون كان صادق بكلامه كان يحبني كان يخاف علي من ظلي
كان يتمنى اللي السعاده وين ماكنت كان يضحك اذا انا ضحكت يزعل اذا انا زعلت
والكل عارف انه يحبني وش انا بحياته
اما انا تعلقت فيه لدرجه مايمر يوم الا واكلمه كنت اسولف عنه حتى عند اهلي
وقلت لامي
وغيره اعطيته كل شيء عني من اسمي الى صوري الى اخواتي الى اسماء اهلي
خليته يدخل المسنجر ويكلم صديقاتي واهلي
عطيته كل معلومات تخصني
وبعد هذا انا احبه واموت فيه
طلبت منه يجي يوم الربوع عندنا ابي اشوفه
كان منى عيني وبالفعل تعنى من الرياض وجى للشرقيه
دقيت عليه الساعه 12 بالليل وقلتت له بخلي ابوي ياخذني على الكورنيش وبعطيك خبر
هو فرح وقالي انه موجود صريت على ابوي لين خذني روحت شفته من بعيد لبعيد
ورجعت من طمعي قلت له تعال ليوم الثاني بخليك تشوف بيتنا وين انا ساكنه
وانا قلت له قبل اذا بتجي الحاره كونك غريب (سني) بتكون مشبوهه اذا فريت اكثر من مره وشككتهم فيك
هو اول مره يدخل منطقتنا ومو عارف وين يروح
طبعا بعض شباب الحاره شافوه وصارو يراقبونه من الجوال وهم انا راقبوني
كوني اروح واجي اروح واجي واكلم جوال كنت اوصف له
هو شافني انا مدري اني كنت مراقبه وهو مراقب دخلت بيتنا قدامه
وقلت هذا هو بيتنا شفته وين عرفته انا المشكله اللي كانو يراقبو شكو فيني لاني كنت تقريبا من البنات الموجودين اللي كنت لافته نظر
بعدها كان بيروح قلت له انتظر شوي بروح اخذ اغراض من المكتبه وتعال بشوفك
دخلت المكتبه الى كل الشباب اللي يراقبونا دخلو نصهم مسكوني انا داخل
وهو مع خويه برى ضربوهم ضرب لدرجه الدم سال منهم وانسرقت جوالتهم
انا من خوفي عليه وانا اشوف الدم صرخت للي معي اقول لها الدم يطلع يومي بطلع له برى دخلوني عشان لااطلع
دخلوني مجموعه شباب اللي يضربني واللي يقول سود الله وجهك لاني حبيت سني
واللي يقول مالقيتي الا سني تقابلينه
واللي يبي ياخذني مزرعه ويخلص علي خذوني انا واللي معي ثنين ركبوني السياره بالغصب عشان الشباب اللي تجمعو كلهم
متعطشين كلن يبي يعرف انا من بنته وبيتي وين واللي يبي ياخذني عند باب اهلي ويقولهم
اللي ركبني قالي انه بينزلني قريب بيتنا عشان ادخل ومحد يعرفني يبي يستر علي كوني بنت وعلى سن زواج
وقالي اني كنت غلطانه يوم جيت اقابلهم بنفس الحاره
اللي معي ماتدري اني اعرف اللي انضرب مسكينه هي مريضه بالصرعه عمرها 15 سنه جلست تصيح وتقول اسمها ومن تكون وين ساكنه
هذا قبل ينزلنا وعدنا انه مايقول من نكون لاي احد
طبعا رجعت البيت من التعب انا بصدري فيه ورم ومن التعب والتفكير وكثر البكي طحت في اليوم الثاني
جيت ادق مستشفى مستشفى ادور على حبيبي
ابي اطمن انه بخير ولا لا
بس مالقيته
صرت مانام اشوف اللي صار بعيوني بكل لحظه اجلسها
لين دقيت على محمد اللي تعرفت على اللي احبه منه
كلمته وانا ابكي اساله وقالي انه بخير ورجع للرياض وطلبت اني اسمع صوته واتاكد وكنت قبلها راسله له على المسنجر ابي يطمني
بعدها لقيت له رساله ريحت قلبي يقول فيها اللي صار وبدايتها احبك
هو رفع قضيه وفتح ملف يبي يعرف اللي ضربوه والمشكله اخوياه وربعه يقولون له اني انا اللي غدرت فيه وخليتهم يضربونه
في ذمتكم فيه بنت بتفضح حالها وبتخلي نفسها على كل لسان انها بتقابل واحد واني قبل لااشوفه خليته يدل بيتنا وكل شيء عنده لي من صور وغيرها
وش ذنبي اني كنت احبه وكنت شيعيه
كان يكلمني شويه بقساوه شوي بحنيه وحب؟؟ كنت اقوله اني خايفه ان الخبر يوصل لاهلي
لان الشباب يدوروني في كل مكان وانا من السالفه الباب ماااوقف عنده ليلي نهاري عايشته بخوف
وطول الوقت صدري يعورني حتى كشفي عن الورم اللي بصدري خايفه اروح المستشفى اتطمن على حالي
هو يصر علي اني اروح او انه بيزعل زعل قوي لو مااروح واطمنه
لان اللي بيني وبينه مو شويه يمكن الوقت قليل اللي عرفته فيه لكن يومي معه عن سنه لو يغيب كل لحظه عشتها
بمرها وبحلوهااااا كنت اكلمه وازعل معه يراضيني
واقفل وارجع ادق عليه وانا فرحانه حبيت همسه وهو حب فيني كل شيء
من كلام الى ضحكه الى شكل الى صوت الى اسلوب
ومن عرفته عمري مافكرت اضره ولا استغله بشيء ولا اقوله ابي فلوس ابي شحن ولا ابي
شيء مادي بالعكس كان همي الوحيد هو بس مايخليني
ولا يروح عني اللحين بعد اللي صار وانا اكلمه هو يخاف ويقول انا السبب
شوي انا اخاف اني ازعله وبعدها يروح ومااسمع صوته معنا كل اللي يعرفهم ضدي
كان ودي انتحر واتخلص من اللي يصير لكنه منعني باسم الحب
معنى انا ماكنت عاجزه عنها حتى لو كنت برتاح بدنيا انا عارفه مابرتاح باخره
سويتها مره ومرتين وثلاث لين جاني الورم
وكنت اقوله ابي اسويتها ابي اموت من نفسي مو من ابوي ولا احد من اهلي
مراح يرحموني ابد
لدرجه صرت اخاف من اخوي من نظراته من اسمع التلفون يدق افز كني مجنونه
حتى ابوي من يدق جواله احس بخوف اذا نطق وقال رقم غريب ماارتاح الا اذا سمعت انه يعرفه
وش اسوي صرت اخاف من ظلي مو حاسه بالامان
لدرجه اني مو قادره اتخيل انه بيوم اللي يحبني يخليني ويروح ويكسر خاطري قبل الصداقه تكسره
تعبت وهذي الدنيا دايم الاقيهااااااااااااااااااااااا؟؟؟
كنت اقوله واحلف له بكل شيء اني احبه وماغدرت فيه بس مو راضي يقتنع بداخله
طلبت منه يسكت عن الموضوع لان انا بكون الضحيه بعدها قالي لا مابتدخلي بالموضوع وبنكران بالقضيه بنت
وش حيلتي ؟؟؟يوم حبيت ؟؟يوم حنيت ؟؟
لانه يخاف علي من كل شيء
ولين هاليوم وبعد اللي صار حنا نحب بعض واكثر من اول
بس ظل بينا خوف والم وحيره من بكره من اللي بيصير وكل يوم اشوف موتي يجيني



يمكن طولت مره وقصتي شوي معقده يمكن يكون الكلام ماه مرتب ومو على بعضه
بس انا استاذنت اللي يشاركني القصه وننتظر الرد
وامانه اللي يرد يترك اني انا كنت شيعيه وهو سني لان هذا يوم عرفنا بعض ماحطيناه بيننا سبب
وغيره معني اتوقه ومن كلام حبيبي ان الردود بتكون لصالحه
احكم وانا اقول انت وضميرك ؟؟؟
ويسلمووووووووووووووووو على اللي تعنى وقراء بس اتمنى ان الموضوع مايطلع برى المنتدى
بالعربي مااسامح اللي يبي ينشره على قولتهم الحقوق محفوظه
واللي يشوف صدق الحب فيني يدعي ان الله يوفقنا


واحب اهدي رساله لحبي ونور دنياي كلهاااااا
ساعدوني
ياهلي لاتحرموني هوى بالي لا تصيرون السبب بينه وبيني
ساعدوني ياهلي وارحموا حالي وافطنوا في دمعتي حرقت عيني
بعدي عنه ياهلي ساس غربالي عقب زوله ياهلي من يواسيني
لا خبر جاني ولا رد مرسالي والسبب معروف ناس امعاديني
طالت المده وهو جاه ماجالي وادري انه مثلي وده يحاكيني
ساهر الحاله وانا ساهره الحالي وكل واحد صار ليله ابليليني
تحياااااااااااااااااااااااااااااتي