ليت الهكر يقدر يراقب لي جـوال
والله علـى جــوال خـلـي لهـكّـر
أدق الـه كـل حيـن يطلـع بمـوّال
مرّه يجـي مشغـول ومـرّه مسكّـر
والفين مرّه (ويت) مليت ذا الحال
يا كثر ماعانيـت وأسهـر وافكّـر
واخر عذر جابه قليل البخت قـال
موتر ابوي بـراس طلعـه تشنكـر
عذره يجيبه جاهز بكـل الاحـوال
يسوّي من الددسـن بكذبتـه تنكـر
يوعدنـي بمحـرّم ويوفـي بشـوال
ويقـول مـن عشقـك لفيتـك مبكّـر
ماكر ومتميز على زيـف الاقـوال
يقـول قـول وبعـد لحظـات ينكـر
شيبت من فعلـه وورانـي اهـوال
كل ما أجيـه يقـول فكـري تعكّـر
وين الهكر تكفى يراقب لي جوال
وتكفى تـرى تكفـى تهـز المهكّـر
الإهداءات
العرض العادي
