سلاااااام
شخباركم ...؟؟ كيف احوالك ...؟؟...<<<لا تخلوا ردوا عشان يصير الرد طويل ..<<خخخخخخخ
يا جماعه فيكم حاجه ...لا اكيد فيكم حاجه
يا عالم في هدوء في منتدى هدوء
يا الله انا برجكم 
اعتبروني حركتكم شوي
بس يا الله وين المواضيع وين الردود نرجوا على الاقل ...شهر ..<<خخخ
خلونا نقول القصه بسنا حش في الاعضاء
هذا في واحد صغيييير في ثاني ابتدائي
كانت معه قطه مربيها
اذا كان يآكل حاجه تجي جنبه ويعطيها لحم وتآكل
كانت كانها وحده من اهله
وكان في جنب بيتهم في عمال
كانت القطه يوم عند العمال ويوم عند الولد الضغير
كانت تآكل يوم مع العمال ويوم مع الولد
وفي يوم كان الولد نايم بالحوش وكان يحس بالقطه تلعب بجنبه
وبقت على هالحال مده طويله وهو مو عاطنها وجه يبي ينام يا اخي
وبعدها تلعب
ويجلس على صوت امه وهي تنادي قوم!! قوم!!
ولما قام تخيلوا شنوا شاف؟؟
شاف حيه.."ثعبان".. والقطه تحاول تدافع عن الولد
وتجي الام وتظرب الثعبان وتموت ..<< طبعا مو ظربه وحده كذا ظربه
ومن هذا الحادث وهو معتبر القطه وحده منه وفيه طبعا مو بس هو كل الي في بيته
وكانوا لما يآكلوا وهي مو موجوده تقول الام قوم يا فلان ودور القطه عشان نآكل
كانوا ما يآكلوا الا بوجودها
والقطه بعدها توح للعمال ..<<لتذكير
وفي يوم حسوا انها ثقيله يعني تمشي بثقل
وظلت على هالحال لمدة 3 ايام وبعدها شافوها رقت .."صعدت"..الدرج يعني راحت الدور الثالث
وبقت هناك فتره ما اذكر كم
وبعد فتره صعد الولد الي رباها وشاف ..
القطه ميته تحت الخزان.."هذا الي يحطوا فيه الماي"..
وهي مفتحه عيونها وتطالع فيه
ونزل وقال لاهله وكلهم حزنوا حزن شديد لانها كانت وحده منهم وفيهم
وكانت بحارتهم في ساحه يقولوا عنها ...نسيت
وقالت الام لولدها الي ربا القطه : روح ادفنها في الساحه الفلانيه وكذا وكذا
وفعلا نفذ الي قالته له امه
وطبعا العمال سافروا خلصوا اعمالهم وراحوا
وبعد شهر بنوا بهذي الساحه وخلال هذا الشهر كان الولد يزور القطه
وبعد اربع سنين من بناء البيت كان محد يعرف مكان القطه غيره
وهو يمشي بالطريق شاف عامل من العمال الي جنب بيتهم الي تروح القطه جنبهم
عرفتوهم صح ادري اعضاء هالمنتدى اذكياء
تلقا الولد بالعامل وقال العامل :ما شا الله انت الحين في يصير واجد كبير
ققال الولد : اي انا من قبل لما انت تشوفني كنت بصف ثاني الحين انا بصف سادس
قال العامل : اقول وش اخبار هذا قطه؟؟
قال الولد : القطه ماتت
قال العامل : احسن
قال الولد : احسن ؟؟ ليش؟؟
قال : هذا في يخسر احنا واجد
انا في يوم في يحط في دجاجه هذا سم وخلي قطه هذي يآكل
وبسرعه بسرعه راح لامه واهله وقال لهم عن القصه
جان يشوف كل واحد يدعي على العامل من جهه
يا الله ابي تعليقاتكم
ابيها حلوه وواجد وطويله ..<<طراره ومشرطه
يا الله باااااايووو
~*& المرجوجه &*~
الإهداءات
الولد والقطه 
العرض العادي
