قصيدة نفس المكان

نفس المكان اللي جمعنا في ضحـى يـوم التـلاق=نفسه شهد باحْـدى الأماسـي شملنـا لمّـا افْتـرق

يومٍ سألته صاحبي كيف انْـت لا حـلّ الفـراق؟=جاوب ودمعه يسبقه :- كالغصْن لا طاح الـورق!

كان السؤال بْحدّته سهـمٍ جـرح صـدره وضـاق =والهول من رمح الجواب اللي وسط صدري اخترق

يا صاحبي لو كـان فـي مشوارنـا ثمّـة وفـاق =ما شفتني أسدل شراعي ف ابْحرك لجـل الغـرق

من حلم وصلـك لهفتـي عقلـي تنبّـه واستفـاق=للواقع اللي مـن محاديـره جـذب عينـي الأرق

أخاف مـن ناسـك عليـك بْيدّهـم دمّـك يـراق=إن جاد غيمك بالعطا وامطر هشيـمٍ بـي احتـرق

هذا بلا كيد الرفـاق اللـي ارتـدوا ثـوب النفـاق= شفهم بشمس احقادهم مـن وصلنـا صبّـوا عـرق

إحساسي من بطش الظروف القاسيه يا عمري فاق =إحساس شاعر لا ابْتكـر فِكْـرَهْ قصيـدٍ وانسـرق

قلت انسحب دام الوفا حملـه علـى كتفيـك شـاق=خلني وانا بالحالتيـن المـوت عنـدي مـا فـرق

بس انْت كافي كـم وفيـت وصنـت ذاك الاتفـاق= باحساسك اللي بالوله يرعـد متـى شوقـي بـرق

بسألك من قبـل المفـارق خلّنـا بْطـول العنـاق=نختم لقا كوكـب بنجـمٍ كـم علـى نـوره شـرق

و ان جيت في نفس المكان اللي شهد مسك التـلاق=إكتب على الجـدران لوعـة شملنـا لمّـا افتـرق



خالد بن محمد