قصيدة بــسـّـك .. كــفــايه

يا عذولي بسّك كفايـه
دام ما تسوى ولا شيّـا
وما تنال ابكلمتك غايـه
غير قول ومقصده غيّـا
بالفخر علّيت لي رايـه
و راية الامجاد في يديّه
بنت ناسٍ تعطي الحايـه
مالهـم نـدٍ ولا زيّــا
لى لهم وسط الملا آيـه
حيّهم اهل الوفـا حيّـا
هم غلاي وفرحة منايه
في حماهم ظـلٍ وفيّـا
صفحةٍ بالعـز مقرايـه
وينها عـن ذاكٍ وذيّـا
كم روى التاريخ بروايه
عن مواقف نورها ضيّا
هوب كذب ولاهي دعايه
هم طوو درب الفخر طيّا
والسمو .. يا حيّ شرّايه
معتلي والعـز مشريّـا
لى غفت لعيون سرّايـه
كم كوو صدر العدو كيّا
والقصيد ابفهم ودرايـه
ما يجي من قال له هيّا
لا حشا مانـي بشكّايـه
دامني الوي الشعر ليّـا
أكتبه واحكيه في حكايه
ناضـجٍ ولغيرنـا نيّـا
وان رسمته هوب نسّايه
يرتوي من فيضنا ريّـا
أعتلي من طيب تربايـه
جعل حظ الحاسد العيّـا



للشاعرة مشاعر دبي