الامبراطوريه البيزنطيه

السلام عليكم

كان يامكان في مبطي الزمان كان هناك امبراطوريه تدعى الامبراطوريه البيزنطيه,كانت الطبقه الارستقراطيه تشكل نصف هذه الامبراطوريه يعني كانوا بطرانين فسقانين عيال نعمه
كان كبار العوائل الارستقراطيه يجتمعون كل ليله على المفاطيح في بيت احدهم للسهر والتربع على البالوت..
كان هناك شاب وسيم يدعى (دقلديانوس) يبلغ من العمر 25 عام وهو ابن الامير شرلمان ,كان دقلديانوس من اكثر الشباب الذين يتقنون فن التميلح والترزز امام بنات العوائل الكشخه حيث كان كثير التواجد في الكوفي شوب و المجمعات والمولات مكان تواجد بنات النعمه,, ذات يوم استيقظ دقلديانوس من النوم في تمام الساعة 7 مساء ورأى انه خرمان ترقيم بنات وقال في نفسه..(ياولد ورى ماتكشخ وتروح ترقم بمجمع بيزنطيه سنتر) بعد ذالك قام وكشخ بالبرمودا البني والتيشيرت البيج ثم اتصل بصديقه ورفيق دربه اركاديوس
جوال دقلديانوس:طــــــــــــــــــوط
جوال اركاديوس: ان الهاتف المطلوب لايمكن الاتصال به الان.........
دقلديانوس: اخس يااركاديوس مايترك عنه الحركات حاط خدمة موجود يصرف هو وخشته لكن اوريك يالمهايطي يالرمه انا وراك.
يوم فكيت القلم ارتعش كفي وطاح...قصدي اكتب لحبيبي .......>>>> نغمة جوال دقلديانوس
(دقلديانوس كان من اشد معجبي عبدالله الصريخ وكان يجيبه لبيتهم يحيي عندهم حفلات خاصه)
دقلديانوس : هلا اركايدوس
اركايدوس : هلا ابو الشباب شلونك
دقلديانوس : ماعلي ازقح انت وينك وليه مقفل جوالك؟
اركاديوس : توني صاحي ياشيخ مانمت البارح الا بعد الفجر
دقلديانوس : وش مسهرك مسوي فيها حبيب (بشد الياء)
اركاديوس : لا والله بس سهران على تشانيل تو فيلم لنيكول كيدمان على كيف كيفك
دقلديانوس : اقول خلاص عاد لاتكثر هربدتك وتنسيني وش ابي ... ابي امرك الحين بالهمر نروح لمجمع بيزنطيه سنتر نروح نقز هاه وش رايك؟
اركاديوس : لالالالالا فكنا الله يرحم والديك الشايب ابلشني... وبعدين على فكره نسيت اقول لك ترى الشـيـــاب بيسرون الليله لشمال اوروبا يقولون هناك فقع و ربيع بيودون البل وبيخيمون هناك اسبوع كامل وابوي بيطلع معهم..وانا ابي افلها بهالاسبوع قبل يجي ويحشرني ... زين
دقلديانوس : اخس يالعفن طول عمرك رمه شورك ماهو بيدك تحتري ابوك يطلع عشان تاخذ راحتك.. يلله يلله تقلع عن وجهي...
جك طوط طوط طوط طوط
ذهب دقلد يانوس الى السوق واخذ يلتفت يمينا ويسارا يبحث عن ربيع قلبه ( البنات ) وقال في نفسه
(الحين ابي ادخل الكوفي شوب اتقهوا واعين من الله خير وبعدين أبدء القز)
وبينما هو في طريقه الى الكوفي شوب صادفه حرس وخدم الاميره ديودور أبنت الامبراطور قسطنطين اقترب دقلديانوس من احد خادماتها واعطاها ورقة كتب بها اسمه ورقم هاتفه النقال ورقم هاتفه الثابت وايميله وعمره وهواياته, وقال لها : اعطيها للشيخه ديودور...
مكالمة بعد مكالمة لقاء بعد لقاء ابتدء الحب ابتدء الغرام والعشق ,, احبته الفتاة حبا صادقا بينما هو يخادعها ويدعي حبها وهو في الحقيقه يكذب ويزلخ عليها.
لم يعرف احد عن علاقتهما لأن ذالك كان عيب وشق جيب عند قبائل الامبراطوريه البيزنطيه وكان فيها قبائل ودم سوف يسيل الى الركب.
مافيش حاجة تجي كدا اهدا حبيبي كدا وارجع زي زمان..حبيبي قرب بص وبص وبص....زعلان ازعل ازعل نص نص >>>>>>جوال ديودور يدق
ذيودورا : هلا وغلا يالله حيه
دقلديانوس : البقى يالغاليه هلا بك شلونك
ديودور : بخير جعلك بخير انت بشرني عنك
دقلديانوس : انا مبسوط طول ماانا اسمع هالصوت...
استمرت المكالمه مايقارب 3 ساعات و30 دقيقه و27 ثانيه و36 جزء من الثانيه (خلال هذه المكالمه ديودور الكمخه الجنط جابت الطعه, جابت العيد, شوفو وش سوت هالبقره)
ديودور : يالغالي بسراحه بقولك شي سمعته من ابوي واخوي الكبير هرقل بس ... مستحيه اقوله اخاف تزعل مني
دقلديانوس : افااا يلعن شكلك! انا ازعل منك؟انا احبك اموت فيك انا لاشفتك قاطعه الشارع اخاف عليكي اخرتها تقولين لي ازعل منكي... قولي ياعمري انا ماازعل منك يالغاليه.
ديودور : بسراحه سمعت ابوي واخوي هرقل يقولون ان عيلتكم ماهم رومان اصل يعني ماهم بيزنطينيين اصل مثلنا يعني رومان 110 يعني بالعربي مالكم اصل, وانا بسراحه ماقدر ارتبط بواحد صلبي
ابي اتزوج من عيال الشيوخ اللي مثلنا وشروانا.
(دقلديانوس ارتفع ضغطه وقفلت معه بس كان لازم يتصرف بحكمه عشان ينتقم منها ويطلع هالكلمه من عويناتها)
دقلديانوس : اهااا اجل حنا مالنا اصل يابنت الشيوخ هاه...زين مشكوره يالغاليه يجي منك اكثر بس انا مااقدر ابعد عنك حتى لو ماتزوجتك خلينا نصير اصدقاء
ديودور : خلاص ياعمري تم... نصير اصدقاء بس لاتزعل مني تكفى
دقلديانوس : يالله عاد توصيني شي ابي انام
ديودور : سلامتك... باااااااااااااي
جك طوط طوط طوط
دقلديانوس في نفسه (طيب طيب اجل حنا ماحنا رومان اصليين اجل حنا بيزنطيين 110 طيب يابنت اللذين والله يالسرسريه لااطلع هالكلام على جلدك ياملعونة الجدف)
زد صدودك صدود ولاتعود..خلك ابعد علي من السما >>>>>>جوال دقلديانوس يدق
(دقلديانوس كان من عشاق عزازي و كان يحضر له حفلات في روما وايطاليا)
دقلديانوس : هلا والله
ديودور : صباح الخير
دقلديانوس : صباح الفل والياسمين اخبارك يالغاليه.
استمرت المكالمه حتى بدء دقلديانوس يستدرج الفتاه
دقلديانوس : حبيبتي وش رايتس الليله نطلع نتعشا مع بعض .
ديودور : اوكيه ياعمري تم.
خرج العاشقان مع بعضهما وذهبا الى مطعم شيخ المثلوثه (ودبوها عشوه ملعونة ثوى وسوالف بعد العشا لمدة ثلاث ساعات)
في هذا الوقت كان اركاديوس صديق دقلديانوس يلتقط بكاميرا الهاتف النقال مايحدث حيث كان على اتفاق مع صديقه حتى انتهى القاء, فعادت ديودور الى البيت.
وفي عصرية اليوم التالي اتصلت برجروس بصديقتها ديودور.....
ديودور : هلا برجروس
برجروس : لاهلا ولاسهلا يالشينه ..اثاريني مخدوعه فيتس كل هالمده يالسفله يالسقيطه, خلاص مابينا لاكلام ولاسلام يالصايعه يالضايعه ياللي ماعرفوا يربونك اهلك, ابوك ماهو فاضي غير للتقلط على المفاطيح عند ملوك روما وامك ماهي فاضيه غير للسفر والدوجه من ديره لديره واخوك ماهو صاحي دايم وهو مسطول و مطينها وانتي دايره على حل شعرك.....
ديودور : هيه هيه هيه انتي عسى ماشر تراكي زودتيها عاد خير انشالله وش السالفه فهميني يالهبلا
برجروس : لقيت صورتس بالباندا مع اخوي رزليوس.
ديودورا : وشو وشو وشو وش تقولين,, صاحيه انتي ...لالالالا شكلك انتي المسطوله مو اخوي
برجروس : اقول تقلعي بس ماجاتكي مني غير الصحيح يلله ضفي وجهك يالداشره لاتكلميني.
جك طوط طوط طوط
انتشر البلوتوث الى ان وصل الى ( بني خي) الامبراطور قسطنطين_ والد الفتاة_ وهم البربر والجرمان الذين يسكنون شمال اوروبا,, كما وصل شريط البلوتوث الى (بني خي)الامير شرلمان _والد الشاب_
وهم القوط الغربيين حكام ايطاليا.....
وكانت نهاية هذه العلاقه بقتل الفتاه وفضيحة الاهل وسقوط الامبراطوريه البيزنطيه.
...سراب...