يوميات مخطووبه

دار الهوى

 

 

السلام عليكم .. يتلي فكره واهي اني أكتب يوميات من انخطبت ليييييييما
تزوجت .. بحاول أني اذكر كل شي .. شرايكم بالفكره ؟


يلا بسم الله الرحمن الرحيم

بيوم من الايام كنت قاعده بغرفتي وقاعده عالنت .. دشت أمي الغرفه جان تقول :
- امي : ساره شقاعده تسوين ؟
- انا : شابكه .. !
- امي : زين عيل بكلمج شوي ..
- انا : ان شاء الله ( سكرت الاب توب وقعدت يمها عالفراش )
- أمي : سمعي يمه اليوم دقت علي خالتج وقالت لي تبيج لولدها أحمد .. !
- آنا : ( كنت متفاجئه ومنصدمه ما توقعته يخطبني ) وكان ردي السكوت.
- امي : انتي تعرفين أحمد شلون واحد خلوق ومتربي كافي ان خالتج مربيته عالسنع
وهو توه متوظف يعني ريال كامل مكمل .. آنا ما ابيج تردين علي الحين .. لا فكري واستخيري
ولما ترتاحين وتحسين ان وصتي لقرارج ردي علي .
- آنا : ان شاء الله يمه .. ( مستحيه عشتو لول )

اطلعت أمي من غرفتي وانا قعدت بروحي أفكر باللي قالته قبل شوي .. معقوله أحمد خطبني؟
واشمعنا اختارني ؟ مع ان وايد من أهلنا من كبري ؟! يعني عجبته ؟! .. إي صح آنا ملاحظه
نظراته لي ما تفج عني .. يلا الله يكتب اللي فيه الخير ..
وقمت لبست بجامتي ومشطت شعري وقعدت عالنت شوي .. بعدها دخت ورحت بنام ..بس قبل
لا آنام قعدت افكر شلون بتكون حياتي معاه ؟ اهو مناسبني؟ راح ارتاح ؟! ومع هالافكار نمت ..
قعدت الصبح وانا كلي نشاااط عقب ما غسلت وغيرت ملابسي سويت لي نسكفيه وقعدت اطالع تلفزيون .. شفت أمي بست راسها جان تقولي انها بتروح السوق قلت فرصه بغيت جم شغله
وهم اتمشى .. لبست وجهزت ورحت معامي السوق .. تمشينا هناك وقعدنا بكافيه وبعدها ردينا
لقرب وقت الغداا .. أول ما وصلنا شفت ابوي بست راسه .. وقعدت اسولف معاه لييما جهز الغدا
تغدينا ولله الحمد جان ابوي يقول : يا بنيتي انا امج قالتلي عن أحمد ولد خالتج انا اشوف انه ريال زين ويستاهلج ومناسب لج .. بس القرار الأول والأخير لج .. لأنج انتي اللي بتعيشين معا .. اخذي
راحتج بالتفكير ولا تستعيلين .. ارتحت من كلام أبوي شوي حسسني اني فعلا ارتحت لأحمد وودي
أقول لهم عن موافقتي بس قلت تو الناس خل افكر عددددل ..
بعد مرور 3 ايام .. دشيت دار أمي ولا اهي قاعده تشوف تلفزيون .. قعدت يمها وقتلها : يمه بقول لج شي ( وانا مستحيه ) .. يمه آنا موافقه على أحمد .
أمي وغرغرت عيونها : ويييييي بعد قلللللللبي والله فرحتي قلبي بهالكلمه .. أخيه كنتي بالمهاد جنج فاره والحين صرتي مره باجر بتروحين بيت ريلج .. ( ودمعت علينها ) .. خلتني آنا بعد أدمع
وصارت السالفه صياااح لوول .. شوي قامت عشان تكلم خالتي عن موافقتي .. ودقت :
أمي : السلام عليكم شلونج شخبارج ؟ شلون العيال ؟
--------------------
أمي : والله ماشي الحال حمدلله ..
-------------------
أمي : ايي قالت لي بطرشهم مع الساايق :>
------------
أمي : أقول فلانه .. ببشرج ..
------------
أمي : اي ايييي واااافقت .
---------
أمي : اي والله الله يهنيييهم ويحفظهم ..

وخلصت المكالمه ..

حسيت وقتها اني احسنت الاختيار .. دش قلبي .. فعلا اهو المنااسب .
وطبعا امي فرحت أبوي ( آنا وحيده ) .. وعمامي والكل فرح لي من القلب ..

اتفقنا على يوم الخطبه الرسميه .. كانت عقب اسبوع وجم يوم من موافقتي ...
رحت آنا وأمي أدور لي بدله حلوه ومناسبه للمناسبه الحلوه وحبيت أكون مميزه ..
لبست نفنوف قصير وكوكتيل لونه وردي فاااتح بس طالع ايينن عليي وكنت منزله شعري
ومكياجي هاااااااااادي وناعم بحيث أني أكون بسيطه ..

وصلنا لليوم المعهود .. أنا طلبت بوفيه بسيط .. والحلويات .. وأمي اشرفت عالمطبخ
والجاي والقهوه .. وبخرت الصاله .. وانا كنت بداري جااااهزه بس ما حبيت انزل ألحين ..
وصلوا وسلموا واقعدوا عقب 5 دقايق .. نزلت آنا وسلمت عليهم وطبعا ما تخلو هالمناسبه
من اليباب اللي يفرح .. قعدت شوي مستحيه ( قعدوني يم خالتي ) ودارت سوالف عن المهر
وتحديد يوم الملجه وكل شي من مراسيم الزواج ..
عقب ما تعشوا واستانسنا بالقعده راحوا بيتهم وانا صعدت غرفتي اريح .. لا والله مو اريح
بس خانقتني العبره .. يعني خلاص راح أنتقل حياة يديده ؟! .. وأول مره أمر فيه .. شعور غريب
بس حلووو .. غيرت ملابسي وسويت لي نسكفيه وقعدت عالنت ليييما دخت و حطيت راسي ونمت..


اذا تبوني أكمل ورووني ردودكم الحلـــــــــــوه