الزمـــن !!

وين ابلقى أرض .. ما تنبت حزن=والبشر سكيـنـهم .. يطعن قفاي !!
الجروح اوطان . . والجارح وطن=وين مالديت .. جاثم في سماي !!
من يقول الحزن يمحيه الزمن ؟؟!=ما بقى بالذاكرة ســبـة عناي !!
النشاز اللي طغى فوق الشجن=يـنـكشف لو زمـّـر بعشرين ناي !!
آآآآه ياحزنن وسط قلبي سكن=محتكرني .. لين ما باح بخفاي
الفضا .. في ناظر عيوني سجن=لعنة السجـّـان حلـّـت في سماي
(أح) من جمر الحزن فيني مكن=بين ضلعـيـنـي .. ولاهمـه بكاي
آتسوّل ضحكتي بأية ثمن=مالقيت اللي رسم بسمة شفاي
بين ليت وبين يمكن .. ما أظن!!=نلتقي .. والطير تايه في فضاي
حتى شمعات الأمل لي ما وفن=يوم خان الريح .. يحضنهن دفاي !!
يومهم في حاجتي وقت المحن=سقت عمري .. للمهالك من وفاي
لا استفاضت عينهم .. صدري حضن=تسهر عيوني .. وراحتهم مناي
لين رمح الغدر في صدري طعن=(أح) ياحر الطعن بيد اقرباي !!
قلت لك ياقلب .. ماتسمع لأن:=طيبتك ماهي تصنع ياغلاي
شفتهم وشلون خانوبك علن=وانت تعطي دون شور ودون راي
غلطة الوافي .. - وفا - .. في ذا الزمن=والزمن معهم بعد سبة شقاي
آآآه .. واحساسي وسط غربة وطن=دام أرضي ماوفت مره معاي !!