الوصية .... الغربة

قلت:الــوداع
وجاوبت دمعة العين ،،،
تجــرح بساتين الخدود
النديه ،،،
وأغضت وشفت"بعينهـا" الحـزن حزنين ،،،
وصاحت على الفرقا أنا "مو قـويه" ،،،
وجاوبتها "أرجوك"
تكفين..تكفيـن !،،،
واللـه دمعك يشعل
النـار فيه ،،،
وقالت : تعاهدني عهاد المحبيـن ،،،
الله يخون اللي يخون
بخــويه ،،،
قلت أبشـري
واللي خلق لاتظنين ،،،
حرام ماغيرك
" عشقــت "آدميه ،،،
وقصت شعرهـا ،،،
قلت أنا وش تسوين؟!
قالت أبي من غرتي لك هديـه ،،،
ونادتني الغربه على الهم والبين ،،،
أحسب الأيام روحه وجيه ،،،
وفي كل ليله ترتسم بين رمشين ،،،
خيالها بين الرموش
الشقيه ،،،
غربة سنه في ذمتي غربة سنيـن ،،،
متى على الله يلتقي الحي حيه ،،،
خلااص هانت مابقى غير (يومين )،،،
خلاص
قفت غربة جرهديه ،،،
ورجعت شوقي في خفوقي براكين ،،،
ورجعت أناكلي لها جاذبيـه ،،،
وسألـت ماردوا ؟!
وأنا
"أصيــــــح "
هـــي
ويــن؟!! ،،،‏

وكل نثر من داخل العين ميه ،،،
وفي معمة حزني تلقيت رمحين ،،،
قالوا :
{ توفـــت }
غافلتها المنيه ،،،
وفي غرغرتها ماذكرت غير حرفين ،،،
تشهدت
% بأسمــــك %
شفاة البنيه ،،،
وتزاحمت في داخلي
ألـــ١٠٠٠ــــف
سكين ،،،
والحزن يطويني ثمانين
طيه ،،،
" صــدمه"
وجابتني على الأرض نصفين ،،،
وشلون راحت دون ذنب
وخطيه ؟! ،،،
تكفون دلوني على القبر هالحين ،،،
ماعاد فيني للصبر مقدريه ،،،
ووقفت أطالع قبرها بين نصبين ،،،
وجلست أضم أغلى النصايب عليه ،،،
وأصيح وش بك
"ياغلا"ماتردين ،،،
إشتقت همس شفاهك النرجسيه ،،،
وش فيك جيت من السفر ماتهلين ؟! ،،،
ماهي بلك عاده ولاإنتي
رديه ،،،
وحاولت في لحظه أجرح الدين ،،،
وأزيح تربة
" قبــرها "
في يديه ،،،
وبالغصب شالوني حشى تقل مسكين ،،،
وأصرخ بهم
واللــه
واللــــه
حيه ،،،
واقف وتاهت بي جميع العناوين ،،،
والحزن يلعب داخلي
سامريه ،،،
ورجعت لدروب الشقى قبل عامين ،،،
مدري من اللي صار فينا
ضحيــــه ،،،؟