الفارس ... لنقل طلاب المدارس

والله ياطويل العمر الشغله مايبيلها شي

اول شي جب لك سواق اذا كنت منت متفرغ

ثاني شي اشتر فان هونداي h1 او تويوتا بريفيا او اوديسي

من 55 الف الى 60 الف <<مو شرط جديد

ثالث شي ورقه اطبعها وانسخها الف نسخه ولا تخلي ولا جدار ماتعلقها فيه واعلان صغير في جريده مايكف 200 ريال

رابع شي وهو الاهم محرم

اتمنى اني افدتك

وبالتوفيق

تسلم حبيب قلبي سرااااااب

طيب شرااايك فيهاااا مكسب والاااا

من ناحية المكسب فيها مكسب

على سبيل المثال المدرسات اللي يدرسون خارج المدينه بــ 100 كيلو تقريبا

ياخذ على المعلمه حوول 1000 ريال

والسياره خلنا نقول تشيل 6 معلمات يعني 6000 الف بالشهر .

السياره تعبيها بنزين بـ 30 ريال وتمشيك 400 كيلو مثلا

يعني في الشهر 20 يوم دوام وبتصرف بنزين 300 ريال وبتغير زيت مرتين ب 200 ريال هذي 500

خلنا نقول المصاريف كل شهر 1000 ريال يعني يبقالك 5000 الاف ريال << خير وبركه

لكن تراها وحع راس لانك بتصحى من الساعه 3 الفجر ويالله يمديك مع الزحمات

وبعدين بيلطعونك عند الباب هالحريم ماطلعو من البيت

لكن من بغى الزين يصبر

وبالتوفيق

الله يكتب اللي فيه الخيررر

تسلم سراااااب على المسااعدة

ونردهااااا لك بالافرااح