ناقتي ياناقتي*ناصر الفراعنه

**عبدالرحمن الفوزان** · منذ /10-01-2008, 14:41

ناصر الفراعنة

شاعر في تعامله مع ادواته الشعرية

يكتب بسلاسة متناهية، كما ان جماهيريته تتسع يوما بعد يوم

وهذه قصيدته في برنامج شاعر المليون
( ناقتي ياناقتي )

ناقتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس

حائلاً رابع سنه من خيـار العيـس عيـس
خفهـا لادرهمـت كنـه بالنـار محسـوس

في دجى خالي خـلا لاحسيـس ولانسيـس
تنوخذ من شدة البـرد طقطقـة الظـروس

في عيوني يكفخ الطيـر ويطيـح الفريـس
وانتهض جساس من دون خالتـه البسـوس

وفي خفوقي فرخ جنيتاً يضـرس ضريـس
يوم اوردها هجـوس واصدرهـا هجـوس

ديرتي دار ابن ضاري وابن غثلـم جريـس
ديرة اللي دوجوا في فيافـي نجـد جـوس

ديرتـي يابنـت شيخـاً ومعدنهـا نفيـس
عيطموسـاً دونهـا دثرتنـي عيطـمـوس

جادلاً مطرق جسدها مـع الغربـي يميـس
طينتاً مـن تربـة الخلـد والـدم محمـوس

نقشت خمساً من الخمس في يوم الخميـس
ليت شعـري مـا ارادت بهـذا دختنـوس

كـم تمنـا إن معـه مثلهـا فتنـه بليـس
كان يمكن قد قلب نصـف إمتنـا مجـوس

كن دماث الصدر منهـا كنيسـه او كنيـس
صومعة رهبـان ديـراً يـؤدون الطقـوس

آتقـوس مـع تقـوس نواهدهـا وإقيـس
قبتين قـاب قوسيـن قوسـاً جنـب قـوس

خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس

وبالرغم من قصرهـا مايجالسهـا جليـس
تصبح أطول نسوة الارض في وضع الجلوس

العروسه ماتبي غير ابـو تركـي عريـس
العروسه نجـد ماهيـب حـي الله عـروس

نجد بنت المجـد ونسـة مونسـة الونيـس
ماعسفها الا معزي ضحى اليـوم العبـوس

كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس

وعيشتي مابين أسوداً ولـو مانـي رئيـس
(خير من كوني رئيساً على شلقـة تيـوس)

وليس عيباً إن خدعني بمكـره كـل هيـس
لان مايفهـم بمكـر الهيـوس الا الهيـوس

مصطفى في مأدبـة عمـه البابـا لويـس
كبر اللقمه تحـت ضـؤ حمـراء الكـؤوس

وطسم حدتها على حائـط المبكـى جديـس
يوم شقـت ثوبهـا بنـت عفـار شمـوس

سيدة هـاك القصـر أسمهـا الاول لميـس
دونها سمر الحناجـر بترهـا حـد مـوس

قسقسـة لاحرارهم.قيس.قيس.قيس.قيـس
والبستهم مـن مهانتهـم انـواع اللبـوس

بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس

ويش لاقوا من قناة السويس اهل السويـس
وويش لاقوا من تلمسان قوماً من سنـوس

كلهم من شـدة الجـوع راحـوا خندريـس
بين غيبوبة مخدر وصحوة عـرق سـوس

ثـورة راحـوا سببهـا بتـوع الاتوبيـس
وش نبي فيها وهـي ماتهـز الا الغـروس

آفة المرء اثنتان الف كـاس وحـب كيـس
والنفوس اليا بغيت اتعرفهـا ارم الفلـوس

ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس

صدق لاقال العرب مايحـوص الا الخسيـس
ولايوط الروس شئياً مثل ضعـف النفـوس

وهذا مقطع فيديو

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

**عبدالرحمن الفوزان** · منذ /10-01-2008, 14:48

مكرر

**^ مهاري ^** · منذ /10-01-2008, 15:42

سرااب نجد

ربي يعطيك العافيه

ناصر الفراعنه .. من اقوى الشعرااء

فاله المليووون . وشكله ماخذ البيرق معه ^_^

دمت بود

**ملكه بكبريائي** · منذ /10-01-2008, 15:51

ناصر .. شاعر ينقش الحروف بلغه شعربه فريده من نوعها

أبدع .. و أمتع

والأن هو حديث الشارع

لو كان ضمن شعراء الموسم الأول

لأكتسح إبن فطيسس

مع إحترامي .. إلا أنه لم يصل لنصف شاعريه و ثقافة و جودة تصوير ناصرر

/
/

بالتوفيق لناصر

وفاله البيرق و المليون

**عبدالرحمن الفوزان** · منذ /10-01-2008, 18:55

مهاري

ملكة بكبريائي

اسعدني تواجدكم

تحيتي لكم

miss world · منذ /13-01-2008, 01:19

[align=center]

هلا سراب ..

فاتتني الحلقهـ < مسويه متابعه

وشفتها بالإعاده في تقييم اللجنهـ

بس انا لاحظت تميز الشاعر من وقت التصفيات

عنده التجديد والإبتكار

بالتوفيق لناصر وفاله البيرق ..

تسلم خليتني اشوف المقطع .. وفرت علي البحث

أحلى تحيهـ لك[/align]

**عبدالرحمن الفوزان** · منذ /14-01-2008, 21:47

مس ورلد

تشرفت بمرورك

ولاتحرمينا من هالطله

**أفا يا قلب** · منذ /28-07-2008, 22:27

واااااااااااااااااااي فديته ناصر الفراعنه
وايد احبه
شاعر بمعنى الكلمه
و هل القصيدة انا وايد احبها

مشكور يا اخوي

**بعدك زعلانه مني** · منذ /02-08-2008, 10:16

مشكور اخوي الله يعطيك العافيه

ناقتي ياناقتي*ناصر الفراعنه

الشعر الشعبي والمنوعات الشعبيه