الحلقة الثانية000






لم اتمالك نفسي .. استدرت الى الجهة الاخرى واكملت بكائي
بكيت الى ان هدأت نفسي.. كان برود فواز يكاد يذبحني

فواز : الحين انتي ليش ماتسولفين .. العاده مزعجتني بالسوالف
نوف : خلنا نسولف ساكتين احسن
فواز : قصدك نسولف صايحين ...(( وضحك ))
نوف : لاه طيب ..بنشوف وش ورا هالضحكه .




يعاند .. وانا اعاند
وصار صمتنا اكثر
حبيبي حبنا وفراقنا شي مقدر.
من يقدر يقول اني عليه اقدر .




شعرت بان السيارة تتوقف ..

نوف: وشفيك وقفت ؟؟
فواز : حسيت انك ما مليتي مني شوف ..

نوف : تبي الصراحه ما مليت ..
فواز : طيب ملي بسرعه ..
لان الحين قدامنا نقطة تفتيش عشان بنطلع من المدينه
نوف : خلاص ؟؟؟؟
فواز :ايه خلاص .. كان ماودك عادي نرجع ..

نوف : ليش نرجع .. طريق واخترناه وبنكمله ..
فواز: لاه قولي انك ماتبين صياحك يروح على الفاضي ..
نوف: ابي اعرف سر الروقان الي انت فيه اليوم ..مبسوط ولا على بالك .
فواز : تبين الصدق؟؟ انبسط اذا شفتك تصيحين ..
ضحكت .. برغم كل الحزن ضحكت ..
فواز: اخير اً .. اخيراً ضحكتي




اضحك الآهات ..
وابتسم عبرات ..
واحزاني تفرح جراح ..




فواز: اقول .. تذكرين اول مره شفتك فيها ..
انا : تذكرني وانا مانسيت ..

نوف :كنا جايين هنا انا وابوي عشان اتعالج وكنت توني صغيره ..
وسكنا في نفس العماره الي كنت ساكن فيها ..
كنت انت طالب وعايش مع مجموعه من اصداقائك في شقه وحده ..
وكنت انت رئيس العصابه فيها ..بحكم انها شقتك .
كان ابوي عندكم في الشقه يلعب معكم بلوت ..
وكان طالب مني اسويله شاهي وملحقاته ..
حطيت الشاهي عند الباب ورجعت وسكرت بابنا
طبعا ابوي لاهي يلعب طلب منك تروح تجيبه ..
انت رحت ولقيت ان كل شي موجود الا الفستق الي تحبه ..
طقيت الباب .. انا فرحت قلت ابوي جيت مسرعه وفتحته لقيتك انت ..
سكرت الباب في وجهك من الروعه ..
وقلتلي مافي فستق (( الاخ يمون ))

نوف: هاه الا فيه .. لحظه .. رحت جبت الي باقي من علبة الفستق ..
وعطيتك اياه .

فواز : ودخلت الشقه .. ابوك شاف الفستق ..
قال والله غريبه حطته ..هونت عنه كانت رافضه تعطينياه ..
هنا انا انبسطت وعرفت ان لي كلمه عندك..

نوف:تذكر يوم جيت اسافر الرياض ودعتوني
وكل واحد فيكم عطاني هديه
بس هديتك كانت احلى هديه ..
كانت علبة فستق قلتلي عشان تتسلين فيه بالطياره ..

فواز: اذكر زين وكنت انا مصورك صور
وكنت ارفض أي احد يصورك بكميرته ..
وكنت تنبسطين على الصور .. احمضها ثاني يوم واجيبها لك .
واقولك خليها عندك ..
ويوم جيتي تسافرين رجعتيها لي ..
واستاذنتي تاخذين الصوره الجماعيه الي تجمعنا ..
انا انبسطت وعطيتك مجموعة صور وصوره ثانيه لي لحالي .


,,, يــــتـــبع ,,,